Berlin 7.1

今日返餐館經理問我香港回歸左幾多年，你地有冇後悔，我話我有去遊行，佢說話咁我要扣你兩日人工啦！呢個經理真好笑。
71遊行，我精神與香港人同在，大家都勇敢站出來，加油呀！

Berlin rice Dumpling

今個星期開始weekday星期一至三返intern, 星期四至日就預時間返餐館。所以今日我要拎埋個喼返去工作室啦，今日都幾趕下，首先拖住個喼去搵朋友Z，佢媽媽黎旅行仲帶左啲糉黎，朋友Z就好好咁比我三隻我同同伴Kshare，實在太感動啦，返香港一定要講佢媽媽吃飯。
之後就拖住個喼返工作室，中途係ubahn站因為冇電梯既關係，我個喼差啲碌左落街，好彩有個好心既哥哥幫我抬落去，搬到佢成頭汗，臨走仲同我講左句"welcome to berlin" tim。今日返到工作室出糧真開心。
今日早收工同同伴K一齊煮飯，又有朋友Z既糉，吃左好豐富既一餐。

Berlin Last Lesson

今日又好凍，終於到德文堂最後一堂啦，應該會係最後一次見我個老師Walter, 小息時我地傾計，我同同伴K話" it seens no summer in europe!" Walter 就話"it seems no winter in Hong Kong!"，好有趣。七月一日就要搬去同德國ee住啦，但因為個日我到返工，新屋同工作室距離又近，今日拎左個backpack返公司先，聽日拎埋個喼。

Berlin Working in KP

呢兩日都係去另一間分店開工，比potsdam仲遠，原來係呢個老闆第一間開既餐廳，喺佢屋企隔離，而之前我返既叫“天壇”係同人合資既，呢道自己既叫“皇宮”。今日做野一般般，同埋今日深切咁體會到做任何野要自己爭取係好好好緊要。

Berlin Party Again

差不多成個星期冇寫日記啦，因為真係冇咩好寫，今日終於回暖，放左學吾駛返工，心情都好啲。下個星期要去另一道上課，之後都應該會少啲黎到呢區架啦，今日全日三個人一齊活動，晏奏又去左食doner, 之後終於記左張兩星期前要記既postcard。同伴K好好咁send 左係柏林有一個好得意既exhibitiom既information比我地，係from 新假期既，可惜我地跟住雜誌寫個地上去係錯既， 再上website 睇先搵返個岩既地址，所以以後雜誌寫既去之前都最好自己check 一次啦！
去到個gallery附近，都係啲優雅小街-auguststrasse 同kleine auguststrasse，附近左gallery,小店,cafe ,餐廳,中間仲有一個公園集，有啲人坐係草地曬太陽tim, 我地睇個exhibition 都幾特別，叫“broken heros”，啲藝術品用冷織出黎既好大件，用啲好可愛既卡通公仔同英雄人物做character, 做左啲好negative既效果，都幾有趣。
睇完時間尚早，行返去我地之前經過間cafe, 都係係auguststrasse, 叫milch halle, halle中文叫“廳”，所以同cafe吾同一般cafe既擺位，佢真係好似客廳咁有張長餐桌，有sofa，都地就坐係對衝個排椅食下cake, toast 同walffe, 感受下歐洲既藍天白雲又吹下風勁寫意，坐左好耐都吾捨得走。
之後又返返turmstrasse附近，同學屋企既party,就鰵之前提過個希臘女仔同學R啦，佢新屋入伙所有傢俬都係ikea買，雖然好簡單，顏色配搭得好靚。今晚同學R變左巴西特飲mohito machine, 今次薄荷味重啲同轉左rum酒都ok。返香港一定要整比朋友飲下！傾下計，又過左個好愉快既一晚。

Berlin Working Visit

今日天氣異常地熱， 但我覺得咁樣先係夏天！放左學去左同事J既大學， 因為要去睇 pantone，第一次入柏林既大學，呢個個細大學，感覺好似香港ive咁，同同事J吃左個 lunch，就去搵pantone 啦，其間知道同事J爸爸係中國係工程師，而同事J就好想去美國發展航天事業，已經計劃去美國讀博士同諗好研究題目，雖然佢想研究呢兩個題目都好啲奇怪，版權同行為意識，睇得出佢佢一個極度有邏輯既人，但我都好佩服佢咁有計劃同理想。
之後約左designer M一齊去-間印刷公司睇下冇sample同傾下印咭片既事，又係第一次去柏林既印刷廠，同個職員傾左一陣報左價，印咭片類似香港咭片王咁，德國所野的確好啦貴，五百張咭片都要五十幾六十歐，其中有19%係稅，真係吾係幾接受到，designer M仲話平...之後因為太熱，desugner M就話放工啦！
德國人的確係足球狂熱，designer M一提起德國場波，即刻勁興奮同好proud of 自己國家隊...

Berlin Church Sunday

今日難得放假，終於第一次係栢林返到教會啦，今日晨早起身約左朋友Z，上到去見到個香港傳道人過去讀書，要讀五年神學平時就去教會侍奉，佢仲有幾個月就畢業啦，可以返香港真係好開心，仲識左另一個香港既working holiday maker，敬拜時唱返係香港教會有唱過既詩歌，份外親切，呢度啲人都會講廣東話，講道就要普通話都ok，今日朋友Z有啲事令佢好吾開心，大家都為佢祈禱同安慰佢，等佢平靜啲，如果之後可以的話我會keep 住返呢間教會的。之後走左朋友Z屋企傾陣計就返屋企溫書了。