Berlin Unlucky Day

今日又係睇房日。約左個呀叔十二點，由於我地是日要搬hostel，於是拎晒所有家當去，然後同個日一樣，搵個地方看住然後一個一個見。
呢個大叔都有禮貌，期間同佢傾下計知道多左野，間屋都幾入，入到去有個公園仔而間房就喺basement，算好大環境都一吾錯，仲要只係€240一個月真係好抵，不過最少要租半年就真係要諗諗，仲今日要覆啊！最後asuka放棄左。
之後我地就去新hostel放低野又趕三點半去呢一道睇，呢間係apartment，可以三個人住，所以我地真係好期待。去到先知間屋係喺4 樓仲要冇電梯！面仲要係吉屋一間咩都冇。感覺有啲似伙炭人同藝穗會。如果係香港我一定即租，而家我地呢個環境真係難啲。其實我地都覺得個區會好好住，真係好可惜。
左冇左呢個考慮，我地就諗緊租吾租個呀嬸個道而我說諗緊今日個呀叔道。意見都幾分歧。最後都係搵呀嬸比多一個月時間自己搵間好啲。結果我地打電話去confirm, 佢先話要每人兩個月按金，於是我地諗住約出黎傾下。
最後要成九點中先見到佢，會已經好似勁氣憤，仲一黎就要催促我地簽張手寫約，勁流。到我地最後決定吾租佢說即發難話我地浪費佢時間，又講啲好難聽既野，仲走埋同伴A道扯佢頭髮同拎左佢副眼鏡吾比返，個時我地真係嚇親，仲要死都吾比返我地，之後仲要想襲擊同伴A，之後同伴A捉住佢我同同伴K就搵DB啲保安話幫手報警。好好彩個三個保安識英文係幫我地既，企係個保安哥哥身邊好有安全感，個大嬸最後要我地每人比€20 佢，仲用普通話恐嚇我地叫我地小心啲，我地同保安哥哥講佢叫我地吾好比，期間有講過去搵police但最後冇去同每人比左€10佢，嚇到我地吾敢即刻坐車走驚佢跟住我地。最恐怖既係h我地返到hostel同伴K發現自己好多miss call又有留言又有sms話"sorry, am ok now” 這件事於我地失去信心同吾再喺呢個website搵屋了，真係好冇心機，之後就要更加小心。
萬念俱灰下，我地send左email上間hostel 個老闆paula我地大概情況同想租左啲床位多幾日。