Berlin Travel n Party Day

今日天氣好好人都開心啲。如常返學放學但今日吾駛返工，晏奏我同同伴們去左學校附近食土耳其doner，隔左咁耐冇食，doner幾時都咁好食有菜有
肉又大份，都係€1.99！之後就去左朋友Z話可以買到平backpack睇下，因為我個袋爛了。果然賣到個好靚既橙色backpack，只係€4.95，咁就開心左一日啦。
之後去左係餐館識既朋友Di既首飾工作室參觀。呢個妹妹係黎讀首飾設計既，八月就會返中國打算開自家品牌首飾店，真係好有計劃。去到店裡面睇到好多吾同style 吾同整法既首飾，好creative好特別，再入去工作室見到啲半製成品所有野都好有趣好新奇，好欣賞佢地好creative同好精細既手工。朋友Di話呢區附近都有好多呢啲首飾店，係verteranenstr.附近。閒聊左好耐，大約四點中就去下個參觀啦。
今日去參觀既國會大樓Deutscher Reichtag, 早係一個月前已經要上網預約有一個免費既tour,可以簡不同語言。我地五點中去到個tour已經開始左，一個tour大概有十二人，帶我地周圍行同有特別野睇既地方講解，大概個幾鐘，介紹左內部設計變化，睇左原建築保留左既其中一part，坐過德國總理開會既會議室，好值得join既一個tour。重點當然係norman forster design 個dom la, 我地係入面參觀緊既時候落左場小小雨，上到個dom度就陽光普照，個天勁藍，入到去個dom望上去真係好似stock photo咁，咩角度影都好靚，仲上左頂度望住個圓形天訓左個晏tim!
終於到我地今日要去最後既活動啦，去其中一個德文課既同學既屋企睇波，主人家係一個黎自巴西既家庭，有一個六歲既小朋友，不停比紙巾我地，好可愛又跳跳扎。今晚好多同學仔都去左，有啲仲帶埋男女朋友黎，雖然都吾記得大家叫咩名但大家都傾計傾得好開心，我地大家又買左啤酒同零食上去， 主人家仲拎左兩支黎自巴西既酒比我地試，兩支都39%酒精，飲落口好似burn 緊咁，冬天飲一定勁暖。主人家仲用其中一支巴西酒教左我地整一種巴西好popular既野飲，兩個青檸+三table spoon 糖，中欄佢地再加好多個隻酒，真係好好飲，我返到香港一定要整比朋友飲，之後仲試左黎自西班牙既生果酒同一個同學整既蛋糕。好開心識到呢班同學仔，最後兩點幾先返到屋企，好彩berlin bahn 同巴士星期五六都行通頂。